PORTEFEULJEBESTUURDER | KOMPLEKSBESTUUR

POTCH EIENDOMME

Is jy betroubaar, georganiseerd en kliëntediens gedrewe? Hou jy daarvan om mense te help, verantwoordelikheid te neem en seker te maak dat take afgehandel word? Potch Eiendomme is op soek na ’n Portefeuljebestuurder om deel te word van ons Kompleksbestuurspan.

WAT BEHELS DIE WERK

Geen twee dae is presies dieselfde nie. Jy sal met mense werk, navrae hanteer, antwoorde en oplossings bied, herstelwerk koördineer en kommunikeer, en sorg dat sake van begin tot einde afgehandel word.

• Voorbereiding en fasilitering van trustee- en algemene jaarvergaderings, insluitend agendas, notules en opvolg van aksie-items.
• Hantering van navrae van trustees en eienaars en toesien dat sake tot finalisering opgevolg word.
• Koördinering van instandhouding, herstelwerk, kwotasies en kontrakteurs.
• Assistering met die beheer, nakoming en algemene skemabestuur in terme van die skema se goedgekeurde gedragsreëls.
• Skakeling met makelaars, versekeraars en ander diensverskaffers.
• Byhou van skema-rekords, korrespondensie en dokumentasie.
• Bestuur van verskeie prioriteite en sperdatums.
• Oorsigtelike inspeksies van komplekse en gemeenskaplike areas.

ONS SOEK IEMAND WAT...

• Betroubaar, georganiseerd en taakgedrewe is.
• Selfstandig kan werk en verantwoordelikheid aanvaar.
• ’n Oog vir detail het.
• Professioneel, vriendelik en selfversekerd kommunikeer.
• Goeie kliëntediens lewer, maar ook ferm kan wees wanneer nodig.
• Goeie oordeel aan die dag lê.
• Positief en proaktief is.
• Nie huiwer om ’n probleem aan te pak en op te los nie.

VEREISTES

• Graad 12 sertifikaat.
• Uitstekende rekenaarvaardighede, spesifiek Microsoft Office.
• Sterk geskrewe en mondelinge taalvaardighede.
• Geldige rybewys en eie betroubare voertuig – noodsaaklik.
• Beskikbaar om na-ure vergaderings by te woon teen addisionele vergoeding – noodsaaklik.

’N AGTERGROND WAT JOU ’N VOORSPRONG GEE

Ons is veral geïnteresseerd in persone met ’n agtergrond waar goeie oordeel, probleemoplossing, verantwoordelikheid en kliëntediens ’n belangrike deel van die werk is.

Dit kan onder andere iemand wees met:

• ’n Regsgraad of ander relevante tersiêre kwalifikasie; of
• Ervaring in ’n sterk kliëntediens- of diensleweringsomgewing, soos ’n kontrakteursfirma, eiendomsdienste, prokureursfirma of soortgelyke bedrywe.
• Ervaring waar jy daagliks met kliënte, diensverskaffers, kwotasies, probleme en sperdatums moes werk.
• Ervaring waar jy probleme moes identifiseer, oplossings moes vind en verantwoordelikheid moes neem om die saak af te handel.

Ervaring in deeltitel- of huiseienaarsverenigingbestuur is voordelig, maar nie noodsaaklik nie. Ons is bereid om die regte persoon op te lei.

ONS BELÊ IN JOU ONTWIKKELING

Die suksesvolle kandidaat sal ingeskryf word vir ’n toepaslike kursus oor die Wet op Deeltitels. Jy sal by ’n gevestigde en groeiende eiendomsbestuursmaatskappy aansluit, met die geleentheid om te leer, ontwikkel en binne die onderneming te groei.

WAT BIED ONS?

• ’n Moderne en professionele werksomgewing.
• Salarisskaal van R10 000 tot R17 000 per maand, onderhandelbaar volgens ervaring en kwalifikasies.
• Trustee- en algemene jaarvergaderings vind hoofsaaklik na-ure plaas en word deur oortyd vergoed.
• Brandstofvergoeding teen R4.00 per kilometer vir werkverwante voertuiggebruik.
• Bystand op die noodfoon ongeveer een week per maand, met toepaslike bystandsvergoeding.

WERKSPLEK

Potch Eiendomme, Mareestraat 3, Potchefstroom

AANVANGSDATUM

1 Oktober 2026, 1 November 2026 of 1 Desember 2026

DINK JY HIERDIE PERSOON IS JY?

Stuur jou CV, ’n motiveringsbrief en ID na:

poste @ potcheiendomme.co.za

Onderwerp: Aansoek – Portefeuljebestuurder

Ons sien uit om van jou te hoor!

Pay: R10 000,00 - R17 000,00 per month

Language:

• Afrikaans (Preferred)
• English (Preferred)

License/Certification:

• Driver's license (Preferred)

Location:

• Potchefstroom, North West (Preferred)

Work Location: In person