Preschool Teacher

KLEUTERSKOOLJUFFROU – BABAS & PEUTERS

Besige Bytjie Akademie | Vereeniging, Gauteng

Pos: Voltyds Permanent: 3 maande tot 3 jaar- Taalomgewing : Afrikaans

Besige Bytjie Akademie is ’n Afrikaanse, Christelike kleuterskool en ons is op soek na ’n besondere juffrou om deel van ons Bytjie-familie te word.

Ons soek ’n sagte, liefdevolle en geduldige juffrou met ondervinding in die versorging en ontwikkeling van babas en peuters.

Vir ons is dit belangrik dat elke kindjie wat soggens aan ons sorg toevertrou word, veilig, geliefd en raakgesien moet voel.

DIE REGTE JUFFROU VIR ONS

Jy:

• Het ’n opregte liefde vir babas en klein kindertjies.
• Is saggeaard, geduldig en liefdevol.
• Het praktiese ondervinding met babas en/of peuters tussen 3 maande en 3 jaar.
• Kan gemaklik en professioneel in Afrikaans kommunikeer.
• Is verantwoordelik, betroubaar en stiptelik.
• Verstaan die belangrikheid van aktiewe toesig en kinderveiligheid.
• Handhaaf goeie persoonlike en klaskamerhigiëne.
• Kan goed saam met ander juffrouens en assistente werk.
• Is bereid om binne ons Christelike waardes en etos te werk en dit te ondersteun.
• Is ’n nie-roker.

’n Toepaslike ECD-/kindersorgkwalifikasie en geldige Noodhulpsertifikaat sal voordelig wees.

VERANTWOORDELIKHEDE

Die juffrou sal onder andere verantwoordelik wees vir:

• Liefdevolle versorging en aktiewe toesig van babas en peuters.
• Aanbieding van ouderdomsgepaste ontwikkelings- en leeraktiwiteite.
• Volg van die skool se daaglikse program en roetine.
• Voeding en etenstye.
• Doekruil en toiletroetines.
• Slaap- en rustye.
• Waarneming van kinders se algemene welstand en ontwikkeling.
• Handhawing van ’n skoon, veilige en liefdevolle klaskamer.
• Kommunikasie met ouers en bestuur.
• Onmiddellike rapportering van beserings, siekte of enige veiligheidskwessies.
• Korrekte voltooiing van toepaslike registers en rekords.
• Samewerking met die juffrou-assistent en ander personeel.

WIE ONS REGTIG SOEK

Ons soek nie bloot iemand om ’n pos te vul nie.

Ons soek ’n juffrou wat ’n huilende baba sal optel en vertroos; wat geduldig sal bly wanneer ’n peuter ’n moeilike dag het; wat sal raaksien wanneer iets nie reg is nie; en wat verstaan hoe groot die vertroue is wanneer ’n mamma en pappa hulle kind aan ons sorg oorlaat.

As jy glo dat die versorging en ontwikkeling van klein kindertjies vir jou meer as net ’n werk is, wil ons graag van jou hoor.

“Laat die kindertjies na My toe kom…” – Markus 10:14

AANSOEK

Stuur asseblief:

• Jou volledige CV. (marykaras27@gmail.com)
• Besonderhede van vorige kleuterskool-/kindersorgondervinding.
• Besonderhede van toepaslike kwalifikasies.
• Kontakbare verwysings van vorige werkgewers.

Besige Bytjie Akademie – waar klein hartjies met groot liefde versorg word.

Pay: R6 500,00 - R13 000,00 per month

Application Question(s):

• Are you comfortable with the practical care of babies and toddlers, including feeding, nappy changing, toilet routines and sleep routines?
• Do you hold a NQF4 or NQF5 certificate

Language:

• Afrikaans (Required)

Location:

• Vereeniging, Gauteng (Preferred)

Work Location: In person