SPYS | Toonbank Assistent

SPYS het ʼn vakante pos vir ʼn toonbank assistent gebaseer in Monument Park, Pretoria beskikbaar.

Om vir hierdie pos te kwalifiseer, benodig jy ‘n Nasionale Senior Sertifikaat (NQF 4). Relevante ervaring binne die spyseniering- en/of gasvryheidbedryf is ‘n verdere vereiste om in aanmerking te kom vir hierdie posisie. Ondervinding met verkooppunt stelsels sal verder tot jou voordeel strek.

Die hooffokus van die pos is die verrigting van toonbank-, kafeteria- en kassier funksies vir SPYS.

Pligte Sluit In, Maar Is Nie Beperk Nie Tot

• Verkoop van algemene items soos sjokolade, koeldranke, snoeperye en warm drankies
• Verkoop alkoholiese verversings (kroegverkope)
• Hanteer bestellings van warmetes en vooraf verpakte voedsel items
• Kassier pligte wat insluit kontanthantering en kaart transaksies
• Opkas van daaglikse verkope
• Tel en beheer van voorrade
• Pak van produkte binne yskaste en op die rakke
• Hulp verlening met die opskep van warmetes
• Hanteer van die barista/koffie toonbank dienste
• Skoonmaak van bedienings areas
• Algemene hulpverlening in die kombuis wanneer nodig
• Koördinering en hulp met aanbied van funksies gedurende die dag, aande en oor naweke vorm ook deel van die verpligtinge

Eienskappe wat tot jou voordeel sal strek: ‘n sterk ingesteldheid vir kliëntediens, kommunikasie- en interpersoonlike vaardighede, handhawing van hoogstaande gehaltebeheer by bedieningstoonbanke sowel as probleemoplossing vaardighede. Verder word vereis dat die kandidaat ten volle rekenaarvaardig is, in beide Afrikaans en Engels kan kommunikeer, sowel as om onder druk te kan funksioneer. ʼn Geldige rybewys en betroubare vervoer is ʼn verdere vereiste.

Indien jy aan die vereistes voldoen, doen asseblief aansoek vir die pos voor of op 2 8 Augustus 2026 .