STAFVERPLEEGKUNDIGE, Huis Lettie Theron (Sluitingsdatum: 06 Julie 2026)

Huis Lettie Theron in Hermanus, ‘n program van Badisa, het ‘n vakature vir ‘n Stafverpleegster. Badisa is ‘n gesamentlike bedieningsaksie van die NG Kerk (Wes-Kaapland) en VGKSA (Kaapland).

‘n Stafverpleegkundige wat entoesiasties, toegewyd, verantwoordelik en gemotiveerd is, word uitgenooi om vir hierdie pos aansoek te doen.

Vereistes En Ondervinding

• Sterk leier-eienskappe met goeie menseverhoudings
• Goeie vermoë om die verskillende verpligtinge en take te beplan en te organiseer
• Ingesteldheid om deurlopende ondersteuning en leiding aan versorgingspersoneel te bied, wat doelgerigte en doeltreffende delegasie insluit
• Goeie kennis van en ondervinding in die mediese, fisiese, emosionele en kognitiewe versorging van bejaarde persone
• Goeie kennis van en insig in die wetlike vereistes aangaande die versorging van bejaardes
• Goeie ondervinding en kennis van die hantering en kontrole van medikasie
• Vermoë om binne spanverband te funksioneer
• Bereid wees om skofte te werk volgens diensrooster (nag/dag/naweke/publieke vakansiedae)

Vergoeding: Salaris volgens Badisa riglyne, verlof voordele, Mediese- en Aftreeskema, asook uniformtoelaag

Sluitingsdatum vir aansoeke : Maandag, 6 Julie 2026

Diensaanvaarding : So spoedig moontlik

Aansoeke Moet Die Volgende Dokumentasie Insluit

• Volledige CV
• Drie kontakbare verwysings
• Gesertifiseerde afskrifte van:
• Relevante kwalifikasies
• Identiteitsdokument
• Bewys van:
• Regsitrasie by SA Raad op Verpleging (SARV)
• Professionele indemniteit
• Polisieklaring

Stuur Asb ‘n Volledige Aansoek Aan Mev Zerwick / epos: [email protected] Navrae: 028 312 3721